«Атырауоблгаз» ЖШС-не қатысты тергеп-тексеру басталды

ҚР Бәсекелестікті қорғау және дамыту агенттігінің Атырау облысы бойынша департаменті тауарлық газды бөлшек саудада сату қызметтері нарығында бәсекелестіктің жай-күйіне талдау және бағалау жүргізді, деп хабарлайды ведомствоның баспасөз қызметі.

Талдау нәтижелері бойынша «Атырауоблгаз» ЖШС-нің іс-әрекеттерінде өнеркәсіптік тұтынушыларға тауарлық газды бөлшек саудада сату кезінде монополиялық жоғары бағаларды белгілеу және ұстап тұру бөлігінде үстем жағдайды теріс пайдалану белгісі анықталды.

Анықталған бұзушылық белгілері негізінде Департаментпен «Атырауоблгаз» ЖШС-не қатысты бәсекелестікті қорғау саласындағы ҚР заңнамасын бұзу белгілерін растайтын немесе жоққа шығаратын нақты деректерді анықтау үшін тергеп-тексеру басталды.