В Атырау +4 
9 қараша күні сағат 22:30 шамасында Атырау облысы ПД жанындағы патрульдік полиция ротасының қызметкерлері республикалық маңызы бар Атырау-Астрахань тас жолының 760 шақырымы тұсында күдік тудырған екі жүк көлігін тоқтатты.
Полицейлердің түйсігі алдамапты: 1964 ж.т. және 1972 ж.т. жүргізушілердің Құрманғазы аудандық дәрігерлік сараптама қорытындысы бойынша жеңіл дәрежеде мас күйде екені анықталды.
Қазіргі таңда оларға қатысты ҚР ӘҚБтК-нің 608-бабының 1-бөлігі бойынша әкімшілік хаттама толтырылып, тиісті іс-құжаттар сотқа жолданды.
Айта кетейік, масаң күйде көлік басқарғаны үшін сот шешімімен 7 жылға көлік құралын басқару құқығынан айыру және 15 тәулікке әкімшілік қамауға алу жазасы көзделген.
Дайындаған Ләззат ҚАРАЖАНОВА
14 қараша 2023, 15:27