№... палата өртеніп жатыр

Диспетчерлік қызмет пультіне облыстық аурухананың науқастарды қабылдайтын бөлмесінің медбикесінен –«нейрохирургия бөлімшесінің 4-қабатында №234 палата өртеніп жатыр, 4-қабат дәлізі қою түтінге толған» деген хабарлама келіп түскен.

Бұл «Емдеу мекемелеріндегі өртті сөндіру» тақырыбында гарнизондық өрт сөндіру-тактикалық оқу-жаттығу болатын. Кезекші медицина қызметкері өрт сөндірушілер келгенге дейін науқастарды (олардың рөлін медиктер атқарған) «өртеніп жатқан» ғимараттан сыртқа шығарыпты. Сол жерге жеткен өрт сөндірушілер жауынгерлік іс-қимылға көшіп, ғимаратқа барлау жүргізуге кіріскен.  Шартты өртті сөндіру барысында 48 адам қауіпсіз жерге көшіріліп, 5 адам құтқарылды. Оқу-жаттығуға жеке құрамның 35 қызметкері, 5 техника жұмылдырылды. Өзара әрекет ету жоспары бойынша қаланың арнайы және апаттан құтқару қызметтері келген. Жалпы алғанда, жаттығу тамаша өтті.

Анастасия ПАСТУХОВА