Жүзеге аспаған «жоспар»

Астрахан облысымен шектесіп жатқан жерден Құрманғазы ауданының аумағы арқылы есірткі затын өткізбек болған 30 жасар Өзбекстан азаматы ұсталды.

Оның үстінен ҚР ҚК 185 бабы 1 бөлігі («Көлік құралын ұрлау мақсатынсыз заңсыз иелену»), 250 бабы 1 бөлігі («Есірткі заттарын Кеден одағының кедендік шекарасы және ҚР Мемлекеттік шекарасы арқылы заңсыз өткізу) бойынша қылмыстық іс көтеріліп, екі айға уақытша қамауға алынды.

- Ол шекара бекетінде тұтылды. 6,92 грамм кептірілген марихуананы тасымалдаған ол өзі жолаушы ретінде мінген көлікті жүргізушінің жоқтығын пайдаланып, ұрлап қашып кетпекші болды. Бүгінде тергеу жүргізілуде, - дейді Құрманғазы ауданы прокурорының орынбасары Магилан РАХИМОВ.

Ләззат ҚАРАЖАНОВА