В Атырау
+5 
Дүниежүзілік сауда ұйымының (ДСҰ) бас директоры болып бразилиялық Роберту Азеведу сайланды. БЕЛТА агенттігінің хабарлауына қарағанда, ұйымға мүше 159 ел басшы сайлау туралы үшінші кеңесте осындай шешім қабылданған.
Әлемдік сауданың 97 % реттейтін ДСҰ-ның орынтағына соңғы шешім шығар жиында оңтүстік америкалық дипломат, осы ұйымдағы Бразилияның елшісі мексикалық Эриминио Бланкодан басым түсті. Алғашқы екі жиында Иордания, Гана, Кения, Коста-Рика, Индонезия, Жаңа Зеландия мен Оңтүстік Корей елдерінің үміткер өкілдері өтпей қалды. 55-жастағы дипломат ДСО-ның тізгінін 1 қыркүйектен бастап қолға алады. Қазіргі бас директор француздық Паскаль Ламидің мерзімі сол кезде аяқталады. Ол 2005 жылдан бері жаһандық ұйымды басқарды.
Роберту Азеведу – 2008 жылдан бері Бразилияның ДСҰ-дағы елшісі. Ол соңғы 20 жылда Бразилияның Сыртқы істер министрлігінде экономикалық мәселелермен айналысады. Оның жетекшілігімен Бразилия АҚШ және Еуро одақпен ірі сауда дауын бастаған болатын.
ДСҰ - 1995 жылы 1 қаңтардан бастап әлемдік сауда нарығын басқаратын жаһандық ұйым.
Дереккөз: bnews.kz