Бапкердің жеңісі

5 мамырда Талдықорғанда футболдан ел чемпионатының 9-турында жергілікті «Жетісу» командасымен «Атырау» кездесті.

Бұл жолы біздің ойыншылар «қонақ» болып текке отырмай, көп шабуылдар ұйымдастырды. Ал екінші таймда жасалған ойыншы алмастыру ойын тағдырын шешті. «Атыраудың» бас бапкері Миодраг РАДУЛОВИЧ алаңға Бауыржан ТАТИШЕВТІ шығарды. Ол 90-минутта матчтағы жалғыз голдың авторы атанды. 1:0 – команданың турнирлік және психологиялық тұрғыдан өте маңызды жеңісі.

Мұрат СҰЛТАНҒАЛИЕВ