Атырау, 26 маусым 15:02
Кешке ашық+28, түнде +22
ҚР Ұлттық банкінің валюта бағамы: $ 378.83  € 430.99  P 6.04

«БТА Банк» директорлар кеңесінің бұрынғы мүшесі Е. Тәтішев ешқайда кетпеу туралы қолхатпен үйіне жіберілді

3 мамыр 2013 15:31

«БТА Банк» директорлар кеңесінің бұрынғы мүшесі Ерлан Тәтішев ешқайда кетпеу туралы қолхатпен үйіне жіберілді.

Бұл туралы ҚР Экономикалық қылмысқа және сыбайлас жемқорлыққа қарсы күрес агенттігінің (қаржы полициясы) ресми өкілі Мұрат Жұманбай мәлімдеді.

 «Ол (Е. Тәтішев - автор) 16 сәуірде ұсталған болатын, алайда денсаулығына және басқа да жағдайларға байланысты ешқайда кетпеу туралы қолхатпен жіберілді. Қазір оған тергеу органына келіп тіркеліп тұруы үшін арнайы кесте белгіленген. Қылмыстық істі тергеу жалғасуда», - деп атап өтті М. Жұманбай ҚазАқпарат тілшісіне берген сұхбатында.

 Естеріңізге сала кетейік, 2012 жылдың желтоқсанында «БТА Банк» АҚ-ның қаражатын талан-таражға салуға байланысты қылмыстық істің 1770 томын одан әрі тергеу үшін Бас Прокуратура Қаржы полициясына тапсырған еді.

 Бұдан бұрынырақта өткен брифинг барысында Мұрат Жұманбай тергеу-жедел тобы аталған қылмыстық істі тергеу кезінде Е. Тәтішевтің де қатыстылығын дәлелдегенін айтқан. Ал 16 сәуірде Е. Тәтішев ұсталып, Алматыдағы уақытша ұстау оқшаулағышына қамалған болатын.

Дереккөз: ҚазАқпарат

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

698 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4 5