Науқастарға арналған сауаттылық мектебі

Жергілікті блогерлер мен аурухана дәрігерлері арасындағы текетірес күтпеген жерден пайдалы нәрсеге айналды: Атырау облыстық балалар ауруханасы базасында сауатты науқастарға арналған «Алғыс» мектебі ашылды. Оның жетекшісі - волонтер, қоғам белсендісі Жаннат ЕСМАҒАНБЕТОВА.

Мектеп идеясы – бітімгершілік: дәрігер мен пациент арасында байланыс орнату, әлеуметтік желіде жанжалдың және емдеу мекемелеріндегі төбелестердің алдын алу.

- Өмірімде медициналық көмекке қайта-қайта жүгінуге тура келді, дәрігерлердің жұмысын, жеті күн бойы 24 сағат көмек көрсетілетін олардың қызмет көрсету ерекшеліктерін жақсы білемін, - дейді Ж.Есмағанбетова. – Атырау облысында білікті дәрігерлердің, әсіресе, белгілі бір саладағы дәрігерлердің айтарлықтай тапшылығы байқалады. Олардың әрқайсысының жұмысы көп және науқастармен байланыс орнатуға уақыты жетпейді. Науқастар, әсіресе, белгілі бір психологиялық аспектілері бар ауыр науқас болса, өздеріне көп көңіл бөлуді қажет етеді. Біздің мектептің мақсаты – науқас пен дәрігер арасында дәнекер болу. Біз мамандарды тарта отырып, науқастар арасында кездесу, кеңестер өткізуді көздеп отырмыз.

Бұл салада медиация пайдалы болғанымен, оңай шаруа емес. Еріктілердің игі ұмтылысын кемітпестен, қарапайым шындықты айтқан жөн: науқас емделгеннен кейін әлі де ауырып тұрса, көбінесе риза болмайды.

Анастасия ШЕРСТЯНКИНА