Байкерлер маусымды аяқтайды

Бүгін, 23 қыркүйекте атыраулық байкерлер 2023 жылғы мотомаусыммен ресми түрде қоштасты.

Бүгін ондаған мотоциклшілер қаладағы көлік жуу кешендерінің бірінің тұрағына (АМӨЗ жаққа баратын жол бойында) жиналды.

Толық мотожабдықталған түрлі калибрлі байк, скутер және круизер әуесқойларының бас қосқанының өзі бір ғанибет. Шлем киген байкер қыздар тұраққа келген кезде, көлік жуу тұрағындағы жүргізушілердің көпшілігі сабынды шүберектерін лақтырып тастады. Әрине, бандана тағып, мотоқалқан киген жігіттер ешкімді бей-жай қалдырмады. 31 тамызда жолаушыларды тасымалдау ережесін сақтамағаны үшін айыппұл арқалаған 18 жастағы мотоциклші де Suzuki көлігімен келді.

Белгілі болғандай, мотомаусымының жабылуын Freerider’ssquad және Phantom клубтары ұйымдастырды. Шараны ұйымдастырушылардың айтуынша, алдымен байкерлер колоннасы қала көшелерімен жүріп өтеді, ал кешке барлығы жергілікті әртістер мен диджейлер ең күшті дискотека әуенімен өнер көрсететін шоу-бағдарламаға қосыла алады. Сыйлықтар мен жүлделер де болады дейді.

Анастасия ШЕРСТЯНКИНА

Суретті түсірген автор