Атыраулық жекпе-жек шеберлері кіші аяқ доптан жарысты

Атырауда «Менің жетістіктерім - менің нәтижем» ұраны аясында Дене шынықтыру және спорт басқармасының «Олимпиадалық емес спорт түрлерінен жоғары спорт шеберлігі мектебінің» ұйымдастыруымен Кіші аяқ доптан кубок өтті, деп хабарлайды Өңірлік коммуникациялар қызметі. 

– Қазіргі таңда студенттеріміз спорттың 17 түрімен айналысады, олардың тек күрес немесе бокста ғана емес, Кіші аяқ добынан да мықты екенін көрсетуді жөн көрдік, - деді Дене шынықтыру және спорт басқармасының «Олимпиадалық емес спорт түрлерінен жоғары спорт шеберлігі мектебінің» директоры Данияр ЮСУПОВ.

Кубокқа барлығы 17 команда қатысты. Олар «Муайтай», «ММА», «Панкратион», «Каратэ киокушинкай-кан», «Қоян-қолтық ұрыс», «Қазақ күресі», «Джиу-джитсу», «Каратэ шинкиокушинкай», «Каратэ ВКФ», «Самбо», «Грэпплинг», «Белбеу күрес», «Кикбоксинг», «Номад ММА», «Жауынгерлік самбо», «Пенчак Силат», «Таеквандо ГТФ» командалары.

Нәтижесінде, 1-орынды «Панкратион», 2-орынды «Кикбокс» командалары, 3-орынды «Самбо» спортшылары құрама командасы алды. Сондай-ақ «Панкратион» командасының ойыншысы Тоқтар Рафхат «Үздік ойыншы», «Кикбокс» командасының ойыншысы Азамат Өтемісов «Үздік шабуылшы», «Самбо» командасының ойыншысы Айдынбай Қайырберді «Үздік қақпашы» номинациясын иеленді. 

Дайындаған Ләззат ҚАРАЖАНОВА

ӨКҚ жолдаған суреттер