Ірі мөлшерде кабел ұрлаған

1 390 просмотра

Атырауда полиция Жылыой ауданы аумағында бағанаға ілінген электр кабелдерін жасырын жымқырды деген күдікпен ауданның төрт тұрғынын анықтап, ұстады. Қылмыскерлер қолды қылған кабелдің жалпы құны 100 млн теңгені құрайды.

- Қылмыстық топтағы бір күдіктінің Газель автокөлігін тінту кезінде шамамен 4 шақырым жоғары вольтты электр желінің кабелі тәркіленген. Күдіктілерді жауаптау кезінде олар жасаған әрекеттерін мойындап, ұрланған кабелді Ақтөбе қаласындағы темір-металл қабылдау орталығына тапсырғанын айтқан. Қазіргі уақытта оларға қатысты 16 эпизод анықталды, - деп хабарлады Атырау облысы Полиция департаментінің бапспасөз қызметі. - Күдіктінің төртеуі де қамауға алынып, ҚР ҚК-нің 188-бабы 3-бөлігімен ("Ірі мөлшерде жасалған ұрлық") сотқа дейінгі тергеп-тексеру жүріп жатыр.

Айнұр САПАРОВА

Атырау облысы полиция департаменті ұсынған видео

14 қыркүйек 2023, 17:22

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.