Гараждағы уылдырық цехы

25 сәуірде «Бекіре-2013» операциясы барысында су полициясының қызметкерлері Бекалиев көшесі бойындағы (ескі базар жақ) жеке үйдің гаражынан қара уылдырық жасайтын астыртын мини-цехты анықтады.

Тінту барысында гараждан ішінде қара уылдырығы бар 500 граммдық 16 пластмасса банкі мен 400 бос банкі, электронды таразы, тұз және осы жеңсік асты дайындауға қажетті басқа да заттар табылды. Гараж иесіне ҚР ҚК-нің 183-бабы бойынша («Қылмыстық жолмен табылған мүлікті сатып алу немесе сату») қылмыстық іс қозғалды.

Мұрат СҰЛТАНҒАЛИЕВ