​«Магистральдық су құбыры» ЖШС су беру тарифін көтерді

«Магистральдық су құбыры» ЖШС-ның өнеркәсiптiк кәсiпорындарға, коммерциялық ұйымдарға және мұнай-газ өндiрушi кәсiпорындарға магистральдық құбырлар арқылы су беру жөнiндегi реттелiп көрсетiлетiн қызмет тарифі 37%-ға өседі, деп хабарлайды kaztransoil.kz.

Қазақстан Республикасы Ұлттық экономика министрлігі Табиғи монополияларды реттеу комитетінің Атырау облысы бойынша департаментінің (бұдан әрі – ҚРЭҚМ) 2023 жылғы 28 тамыздағы № 56-НҚ бұйрығымен өзгерістер енгізілді. «Магистральдық су құбыры» жауапкершілігі шектеулі серіктестігінің 2022-2027 жылдарға арналған магистральдық құбырлар арқылы су беру жөніндегі реттеліп көрсетілетін қызметке тарифтер мен тарифтік сметаларды бекіту туралы» 2022 жылғы 19 тамыздағы № 74-НҚ бұйрығына 2023 жылғы 1 қыркүйектен бастап қолданысқа енгізіледі:

• халық, бюджеттік және коммерциялық емес ұйымдар, сондай-ақ халыққа коммуналдық қызмет көрсететін басқа да кәсіпорындар, бюджеттік және коммерциялық емес ұйымдар – 18,04 теңге/м³;
• ауыл шаруашылығы тауарын өндіруші – 64,98 теңге/м³;
• өнеркәсіптік кәсіпорындар және басқа да коммерциялық ұйымдар – 626,66 теңге/м³;
• мұнай және газ өндіруші кәсіпорындар – 1 870,55 теңге/м³.

Осыны ескере отырып, орташа тариф 455,87 теңгеден 626,66 теңге/м³-ге немесе 170,79 теңге/м³-ге өсті, бұл 37%-ды құрайды.

Бұл ретте халыққа, бюджеттік және коммерциялық емес ұйымдарға, сондай-ақ халыққа коммуналдық қызмет көрсететін басқа да кәсіпорындарға, бюджеттік және коммерциялық емес ұйымдарға, ауыл шаруашылығы тауарын өндірушілерге тариф өзгеріссіз бұрынғы деңгейде сақталады. .