Құлсарыға арналған 11 алаң

Құлсары қаласының Барлаушы, Жадырасын, Шұғыла, Аэропорт ықшамаудандары мен №7, 9 және Мешіт ауылдарына 11 балалар ойын алаңы салынады, - деп хабарлайды Жылыой ауданы әкімінің баспасөз қызметі. 

Құрылыс жұмыстарын жасайтын мердігер мекеме - «Умирзак» ЖШС.

- Балалар алаңын салу жұмыстары енді басталады, қазіргі таңда құжаттар рәсімделуде. Кестеге сәйкес, мердігер мекеме жұмыстарды 12 ай ішінде аяқтауы тиіс, - деді Құлсары қаласы әкімі аппаратының бас маманы Жанғазы ЕРКІНОВ.

Бұл алаңның бір ерекшелігі – мұнда ойын алаңынан бөлек, спорт алаңы, баскетбол, футбол алаңдары және демалуға арналған беседкалар мен автотұрақ қарастырылған. 

Дайындаған Ләззат ҚАРАЖАНОВА