Қауіпті кабель

Бұл суретті фототілшіміз Қанат ЕЛЕУОВ бүгін, 26 сәуірде «Рахат» ықшам ауданындағы Абай көшесі, 25 және Достық көшесі, 1 мекенжайында орналасқан үйлердің арасынан түсірген. Трансформатордан үйлерге қарай тартылған күштік кабельге қураған тал құлаған, кабель үзіліп адамдар үстіне түсу қаупі бар. Қалалық электр желілері кәсіпорнының директоры Ғабиден ҚАНАТОВТЫҢ айтуынша, бұл желілер теміржол электрмен қамту дистанциясына (ЭЧ-4) тиесілі болуы керек. Алайда қаланың бас электригі жағдайды түзеуге сөз берді.

Мұрат СҰЛТАНҒАЛИЕВ