Царнаев жазбаша түрде жауап беруде

Бостондық марафонда жарылыс жасады деген күдікті Джохар Царнаев есін жиды. 

Құқық қорғау органдарының ақпарат көздеріне сүйенсек, ол өзіне қойылған бірнеше сұраққа жазбаша түрде жауап берген. Сондай-ақ, Царнаевтан оның сыбайластары мен іске қосылмай қалған жарылғыш құрылғыларының бар-жоқтығы сұралған. Содан кейін, Массачусетс штатының полициясы кіші Царнаевтың екі сыбайласын қолға түсірді. Тәртіп сақшыларының айтуынша, ұсталғандар көші-қон заңын да өрескел бұзған. Естеріңізге сала кетейік, 15 сәуір Бостонда екі жарылыс болып, салдарынан үш адам қаза тапты, тағы 180-нен астамы жарақат алған еді. Америка билігі жарылысты ұйымдастырып, орындаған Царнаевтың бауырлары екеніне сенімді.

Дереккөз: 24.kz