Атырау, 16 маусым 10:17
Күндіз ашық+31, кешке +26
ҚР Ұлттық банкінің валюта бағамы: $ 384.51  € 434.00  P 5.95

Пәкістанның экс-президенті сот ғимаратынан қашып шықты

19 сәуір 2013 09:29
Первез МУШАРРАФПервез МУШАРРАФАСТАНА. 19 сәуір. ҚазАқпарат - Пәкістанның бұрынғы президенті Первез Мушарраф оны кепілге босату туралы үкімді қайта қарастырып, отанына опасыздық жасады деген айыппен оны қамауға алу туралы шешім қабылданғаннан кейін Исламабадтағы сот ғимаратынан қашып кетті.  Бұл туралы Associated Press-ке сілтеме жасай отырып РБК хабарлайды. 

Бұрынғы Президенттің сақшылары полицейлерді жолдан итеріп, оған сот ғимаратынан шығуға көмектесті. П.Мушарраф көлігіне секіріп мінді. Экс-президент өзінің Исламабад сыртындағы күзеті бар зәулім үйіне бет алды. Естеріңізге салайық, үстіміздегі жылы наурыз айында Пәкістанның бұрынғы басшысы бес жыл қуғында жүргеннен кейін отанына қайтып оралды.  Оған дейін ол елге келген жағдайда қамауға алынбайтындығы туралы кепілдікке ие болған: 22 наурызда сот саясаткер түрмеге түспеуі үшін кепіл төлеуге рұқсат етті. Алайда, бүгінгі сот дәл осы уақытша босату мерзімін созудан бас тартты.  

П.Мушарраф саяси мансабын жалғастырмақ ниетте елге оралған еді. Ол биылғы жылдың мамыр айында өтетін сайлау барысында «өз партиясына көмектескелі» жатқанын мәлімдеген болатын. Атап айтқанда, бұрынырақ ол Бүкілпәкістандық мұсылмандық лиганы басқарған.  

Алайда, Пешавар қаласындағы сот шешімімен оған 11 мамырға белгіленген сайлауға қатысуға тыйым салынған. 

П.Мушарраф өз еркімен президенттік лауазымды тастап кетіп, 2008 жылы елді тастап кеткен, осы уақыт бойы ол Біріккен Араб Әмірліктерінде және Ұлыбританияда тұрып келген. Оның өз еркімен жер аударуына сол кездегі елдің премьер-министрі Беназир Бхуттоны өлтіруге қатысты деп айыпталуы себеп болған.

Дереккөз: inform.kz

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

891 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4