Атырауда жекеменшік балабақшада үш жасар қыздың саусағын жұлып кеткен

Мұның қалай болғанын ата-анасы білмейді, ал балабақшадағылар оларға жарытып түсіндіріп бере алмаған.

Сәбиді ауруханаға тәрбиешінің өзі алып барған. Ата-анасын медицина мекемесіне барған соң шақыртқан.

Денсаулық сақтау басқармасының баспасөз қызметінің түсіндірмесі қысқа болды: «Сол қолдың 4-саусағының дистальды бунағының травматикалық жұлынуы. Ортопед-травматологтың консультациясы, саусақ/табан рентгенографиясы, жараны хирургиялық өңдеу, таңу, инфильтративті анестезия».

Ата-анасының полицияға арыз жазғаны белгілі болды.

- ҚР Қылмыстық кодексінің 141-бабы («Балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау») бойынша сотқа дейінгі тергеу басталды, сот сараптамасы тағайындалды, - деп хабарлайды полиция департаментінің баспасөз қызметі.

Зульфия ИСКАЛИЕВА