Қазақстандағы кәсіби мерекелер тізімі Азаматтық авиация күнімен толығады

1 088 просмотра

Ол 1 ақпанға белгіленбек, деп хабарлайды informburo.kz.

Қазақстанның мерекелік күндер тізіміне жаңа бір дата қосу жоспарланып отыр. Оған сәйкес, 1 ақпан күні Азаматтық авиация күні аталып өтіледі. Бұл туралы Ашық НҚА порталында жарияланған Үкімет қаулысының жобасынан белгілі болды.

Индустрия және инфрақұрылымдық даму министрлігінің мәліметінше, мұндай бастаманы ҚР азаматтық авиация кәсіпорындарының бірлескен соғыс және еңбек ардагерлер кеңесі көтерген.

Еске салайық, 1991 жылы 1 ақпанда Алматы әуежайында Авиациялық қауіпсіздік қызметі құрылған болатын. Ал 2019 жылы Авиациялық қауіпсіздік қызметінің шешімімен 1 ақпан Авиациялық қауіпсіздік қызметінің ардагерлері мен қызметкерлерін ұлықтау күні болып белгіленді.

Үкімет қаулысы қабылданса, бұл мереке республика көлемінде атап өтіледі.

Құжат жобасын жария талқылау мерзімі – 11 шілдеге дейін.

23 маусым 2023, 11:37

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.