Атауы бар жылу бекеті

13 сәуірде «Жилгородоктағы» №5 жылу бекетіне Қазақстанның еңбек сіңірген энергетигі Л. Лидің (суретте) аты берілді.

Рәсімге 78 жасар Леонид Николаевичтің өзі қатысты. Ол облыстың қуат жүйесінде 1965 жылдан 2012 жылға дейін қызмет атқарған. 80-жылдары жылу желілері кәсіпорнын басқарды, ал зейнеткерлікке шығар алдында «Атырау жылу желілері» (АЖЖ) АҚ-ның өндірістік-техникалық бөлімінің аға инженері болып жұмыс жасады.

«АЖЖ» АҚ-ның президенті Нұрадин ШАМШАТОВ алға қарай да жылу бекеттеріне ардагерлердің есімі берілетінін айтты. Ал бұл тәжірибе өткен жылы «Атырау-Жарық» АҚ-ның №100 орталық қосалқы станциясына Қаратөре ӘЛІПОВ атын беруден басталған еді.

Мұрат СҰЛТАНҒАЛИЕВ

Суретті түсірген Қанат ЕЛЕУОВ