Олармен байланыс 8 маусым күні үзілген болатын.
Абай облысындағы орман өртінен 14 орманшы қаза тапты, деп хабарлайды informburo.kz.
Жедел штабтың мәліметінше, "Семей орманы" резерватында өртті сөндіру кезінде Успенское орманшылығының 14 қызметкері қаза тапты.
Олармен байланыс 8 маусым күні үзілген болатын.
Абай облысында 9 учаскеде өртті сөндіру жұмыстары жалғасып жатыр.
Өртті сөндіруге Төтенше жағдайлар министрлігі, Орман шаруашылығы комитетінен, жергілікті атқарушы органдар және Қорғаныс министрлігінен 1000-нан астам адам, шамамен 252 техника жұмылдырылған.