В Атырау 0 
Мемлекет басшысы "Қазақстан Республикасының кейбір заңнамалық актілеріне әлеуметтік қамсыздандыру мәселелері бойынша өзгерістер мен толықтырулар енгізу туралы" ҚР Заңына қол қойды, деп хабарлайды Іnbusiness.kz.
Атап айтқанда, құжат мыналарды қарастырады:
- Үкімет құзыретінен уақытша еңбекке жарамсыздық бойынша әлеуметтік жәрдемақының шекті мөлшерін айқындауды алып тастау;
- Еңбек кодексінде еңбекке уақытша жарамсыздық бойынша әлеуметтік жәрдемақы мөлшерін айқындау жөніндегі норма белгілеу;
- бір айға төленетін еңбекке уақытша жарамсыздық бойынша әлеуметтік жәрдемақының шекті мөлшері жеңілдіктері жоқ қызметкерлер үшін 15 АЕК-тен (51 750 теңге) 25 АЕК-ке (86 250 теңге) дейін ұлғайту.
Бұдан бөлек Ұлы Отан соғысының ардагерлеріне және басқа мемлекеттер аумағындағы ұрыс қимылдарының ардагерлеріне теңестірілген ардагерлерге еңбекке уақытша жарамсыздығы бойынша әлеуметтік жәрдемақы мөлшері жалақының 100%-ын құрайтын болады деп жазылған.
Қызметкердің еңбек жарақатына немесе кәсіптік ауруына байланысты төленетін уақытша еңбекке жарамсыздық бойынша әлеуметтік төлем мөлшері де орташа жалақының 100%-ын құрайтын болады.
Бұдан бөлек дипломатиялық қызмет персоналына шетелде болу кезеңінде шетелдік валютада төленетін уақытша еңбекке жарамсыздық бойынша әлеуметтік жәрдемақының мөлшері орташа жалақының 100%-ын құрамақ.