"Қорғас" халықаралық шекара маңы ынтымақтастығы орталығы 2023 жылғы 24 сәуірден бастап жұмысын қайта бастайды. Бұл жөнінде Zakon.kz басылымына Жетісу облысы әкімдігінің баспасөз қызметі хабарлады.

Ведомство өкілдері "Қорғас" ШЫХО әлемдегі эпидемиологиялық жағдайға байланысты жұмысын тоқтатқанына 3 жылдан астам уақыт өткенін еске салды.

"Өткен үш жыл ішінде Басқарушы компания Орталықтың қызметін жақсарту және барлық бизнес процестерін жаңғырту бойынша ауқымды жұмыстар атқарды. Осылайша 2023 жылдың 24 сәуірінен бастап "Қорғас" ШЫХО қалыпты жұмыс режиміне қайта кірісетіндігін хабарлаймыз".Жетісу облысы әкімдігінің баспасөз қызметі