Қазақстандық жанармай құю бекеттерінде бензин мен дизель қымбаттады

Алматының жанармай құю бекеттерінде бензин мен дизель қымбаттады, - деп хабарлайды Tengrinews.kz тілшісі.

17 сәуір таңертең Алматыдағы жанармай құю бекеттерінде АИ-92 маркалы бензиннің бағасы 205 теңге болды.

Алматыдағы жанармай құю бекеттеріндегі АИ-95/96 бағасы әртүрлі. 17 сәуір таңертең Sinooil-да АИ-96-ның бір литрі 222 теңге тұрса, Royal Petrol мен "Газпромнефть" бекетінде АИ-95-ті 230 теңгеден құюға болады.

Sinooil жанармай құю бекеттерінде дизель бағасы 295 теңге. "Газпромнефть" жанармай құю бекетінде - 450 теңге

Ал, Астанадағы Nomad жанар-жағармай құю бекеттері желісіндегі жанармай бағасының алматылық бағадан айырмашылығы жоқ. Мұнда да АИ-92-нің литрі 205 теңгеден, АИ-95 224 теңгеден, АИ-98 де 245 теңгеден сатылып жатыр. Ал, дизельдің литрі 295 теңге.

Сондай-ақ Қызылордадағы жанар-жағармай құю бекеттерінде де жанармай бағасы көтерілді.