Ұлттық экономика вице-министрі Ілияс Өсеров ұсталды

Ұлттық экономика вице-министрі Ілияс Өсеров екі айға үйқамаққа алынды, деп хабарлайды Sputnik Алматы қалалық сотына сілтеме жасап.

Сыбайлас жемқорлыққа қарсы іс-қимыл агенттігі Ұлттық экономика вице-министрі Ілияс Өсеровке қатысты сотқа дейінгі тергеу жүргізіп жатыр.

"10 сәуірде Алматы қаласының мамандандырылған ауданаралық тергеу сотына сыбайлас жемқорлыққа қарсы іс-қимыл агенттігінің Өсеровке қатысты екі ай мерзімге үйқамаққа алу түріндегі бұлтартпау шарасын қолдану туралы Алматы қаласы прокуроры орынбасарының санкциясы келіп түсті", - деп мәлімдеді соттың баспасөз қызметі.

Ілияс Өсеров бұған дейін Алматы қаласы әкімінің орынбасары қызметін атқарған.