Жаңаөзенде жұмыс беруші қызметкерлеріне 24 млн теңге қарыз болып қалған

675 просмотра

Жаңаөзенде "ECSAD" ЖШС еңбек заңнамасын бұзғаны анықталды, деп хабарлайды Sputnik Lada.kz басылымына сілтеме жасап.

Облыстық прокуратураның мәліметінше, "ECSAD" ЖШС 62 қызметкеріне 2022 жылдың желтоқсаны мен биылғы ақпан айының жалақысын төлемеген. Серіктестіктің жұмысшылар алдындағы қарызы 24 миллион теңгеден асқан.

Прокуратура Маңғыстау облысының мемлекеттік еңбек инспекциясы басқармасына заңбұзушылықтарды жою туралы ұсыным енгізді. Нәтижесінде берешек толығымен өтеліп, қызметкерлердің конституциялық құқықтары қалпына келтірілді.

ҚР ӘҚБтК-нің 87-бабы 1-бөлігіне сәйкес еңбекақы төлеу жөніндегі талаптарды бұзғаны үшін жұмыс берушіге 30 АЕК, яғни 103 500 теңге мөлшерінде айыппұл салынды.

9 сәуір 2023, 13:03

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.