Атырау, 20 маусым 00:29
Таңертең бұлтты+31, күндіз +32
ҚР Ұлттық банкінің валюта бағамы: $ 382.38  € 428.30  P 5.97

Қазақ өнері тарландарының бірі, композитор Еркеғали Рахмадиев дүниеден озды

10 сәуір 2013 10:27

9 сәуірде қазақ өнерінің шоқтығы биік тарландарының бірі, композитор, КСРО халық әртісі, Қазақ КСР Мемлекеттік сыйлығының лауреаты, қазақ музыкасының симфониялық күй жанрының негізін салушылардың бірі, профессор Еркеғали Рахмадиев дүниеден озды.

Е. Рахмадиев 1932 жылы 1 тамызда Семей облысының (қазіргі Шығыс Қазақстан облысы) Шұбартау ауданындағы Мәдениет ауылында дүниеге келген. 1957 жылы Алматы консерваториясын бітірді.

Қазақ КСР өнеріне еңбек сіңірген қайраткер (1967). Қазақ КСР халық әртісі (1976). КСРО халық әртісі (1981). 2010 жылы оған «Қазақстанның Еңбек Ері» атағы берілді. 27 жыл бойы Қазақстан Композиторлар одағының төрағасы, КСРО Композиторлар одағының хатшысы болды.

Оның шығармаларында қаһармандық-патриоттық тақырып негізгі орын алады, онда қазақ халық музыкасының бай мұрасы мен классикалық музыка өнері шебер пайдаланылған. Рахмадиевтің симфониялық, опералық, вокалды-аспаптық, камералық шығармалары кәсіби ұлттық өнердің өрісін кеңейтіп, жанрлық салаларын байытты. Композитордың «Қамар сұлу», «Алпамыс», «Тың тынысы» операларының, «Амангелді», «Толғау», «Дайрабайдың күйі», «Мейрам күні», «Құдаша-думан», «Ортпа» симфониялық поэмалары, «Сәлем саған Аястан», «Мерекелік кантата», «Конституция туралы поэма» кантаталары, хорға арналған вокалдық шығармалары, көптеген ән-романстары Қазақстанда және шетелдерде жоғары бағасын алды.

Дереккөз: ҚазАқпарат

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1553 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4