В Атырау
+16 
23 ақпанда Батыс Қазақстан облысында Ми-8 тікұшағы апатты жағдайда қонып, төрт адам қаза тапты. Осыған байланысты ҚР Авиация әкімшілігінің бас директоры Каталин Раду операциялық орталықтың шұғыл отырысын өткізді, деп хабарлайды Zakon.kz.
Азаматтық авиация комитетінің ресми хабарламасында айтылғандай, отырысқа ұшуға жарамдылық, ұшуға техникалық қызмет көрсету, аэронавигация, лицензиялау, авиация медицинасы, іздестіру-құтқару, ұшу қауіпсіздігін басқару департаменттерінің өкілдері қатысты.
"Оқиға орын алған Ми-8 ұшағының ұшуға жарамдылық сертификаты 2022 жылдың 3 мамырында берілді. Тікұшақтың шығу күні – 2021 жылдың 27 қаңтары. Қазақстан Республикасының Азаматтық әуе кемелерінің мемлекеттік тізілімінде 2022 жылғы 14 сәуірде тіркелген (куәлік нөмірі 1273, мемлекеттік және тіркеу сәйкестендіру белгісі UP-MI874)."Азаматтық авиация комитетінің баспасөз қызметі
Сондай-ақ, Қазақстанның авиациялық әкімшілігі Ми-8 үлгісіндегі ұшақтарды пайдаланатын авиакомпаниялардың қызметіне жоспардан тыс тексеру жүргізетіні айтылды.
«Тексеру нәтижелері бойынша жүйелік сипаттағы бұзушылықтар анықталған жағдайда ұшу қауіпсіздігіне қатысты барлық мәселелер шешілгенге дейін тиісті сертификаттар мен сертификаттардың қолданылуы тоқтатылады», - делінген хабарламада.