Павлодар облысында тікелей эфирде балағат сөз айтқан ер адамға айыппұл салынды

851 просмотра

Павлодар облысында тікелей эфирде балағат сөздер айтқан ауыл тұрғынына айыппұл салынды, деп хабарлайды Azattyq Ruhy.

Облыстық полиция департаментінінің баспасөз қызметі хабарлағандай, полиция өкілдері TikTok мониторингі барысында Новоямышево ауылының тұрғынының желіде тікелей эфирге шығып, әдепсіз сөздер айтқанын анықтады.

«Ұсақ бұзақылық жасағаны үшін 24 жастағы құқық бұзушыға қатысты ҚР ҚР Әкімшілік құқық бұзушылық туралы кодексінің 434-бабының 1-бөлігі бойынша әкімшілік хаттама толтырылды. Материал сотта қаралып, ауыл тұрғынына 10 АЕК көлемінде айыппұл салынды», - деді Павлодар аудандық полиция бөлімінің басшысы Дулат Төкенов.

Жыл басынан бері облыс полицейлері азаматтардың заңға салғырт қарап, қоғамдық тәртіп пен азаматтардың тыныштығын бұзған өзге де 140-қа жуық ұсақ бұзақылықтың жолын кесті.

17 ақпан 2023, 10:17

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.