Атырау, 29 наурыз 13:08
 ашықВ Атырау +4
$ 448.15
€ 483.46
₽ 4.86

Айлығымыз күнкөріске жетпейді: Жамбыл облысында жұмысшылар жалақыны көтеруді талап етуде

1 099 просмотра

Жамбыл облысының орталығында «Таразэнергоорталығы» мекемесінің жұмысшылары жалақыларын көтеруді талап етіп отыр. Бүгін аталған мекеме ғимаратының алдына ондаған адам жиналып, наразылығын білдірді, деп хабарлайды Almaty.tv.

Басты талап – жалақыны кем дегенде 30 пайызға көтеру. Қызметкерлердің айтуынша, қазір олар 100-120 мың теңге ғана алады. Бірақ ол күнкөріске жеткіліксіз.

«Барлығымыз 120 мың теңге айлық алып отырмыз. Соған 10% қостық дейді. Күнкөріс қазір қиындап кетті ғой, 120 мың теңгемен кім өмір сүре алады?» – деді «Таразэнергоорталығының» қызметкері Жомарт Жұмабеков.

«Менің айлығым 128 мың теңге. Өзге компанияның слесары 230 мың айлық алады.  Менің айлығым бала-шағаны бағуға жетпейді, 6 балам бар», – деді «Таразэнергоорталығының» қызметкері Жұмағали Оразалиев.

Ал мекеме басшылары биыл жалақының мөлшері 10 пайыз өскенін айтып, жұмысшыларды сабыр сақтауға шақырды. Қызметкерлердің өтінгеніндей айлықты 30 пайыз көтеруге мүмкіндік жоқ, себебі жалақы мөлшері тариф құнына тәуелді көрінеді.  

«Жалақыны 10 пайыз көтердік, қанағаттанбай, бірден 30 пайыз көтеруді сұрап жатыр. Өтінім берілген соң мәселе қаралуы керек. Жұмысшылар наразылық танытты екен деп жалақыны көтере салмайды. Оның бәрі тарифке байланысты. Антимонополиялық комитет тарифті қымбаттатуға мүмкіндік бермейді. Ұсынысты әлі қарастырамыз», – деді  «Таразэнергоорталығы» бас инженерінің орынбасары Мақсат Сәрсенбаев.

27 қаңтар 2023, 14:28

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.