«Арқанкергеннің» орнына жаңа бекет пайда болады

«Арқанкерген» шекара бекетінің орнына жаңа бекет пайда болады. Бұл жөнінде шекара қызметінің директоры генерал-лейтенант Нұрлан Жоламанов мәлімдеді, деп хабарлайды BNews.kz тілшісі. 

«Мемлекет басшысы биылғы Жолдауында шекара әскерінің алдында тұрған міндетттерді айқындап берді. Алға қойылған міндеттерді жүзеге асыру мақсатында ҰҚБ шекара қызметі біздің қызметтік-жауынкерлік қызметіміздің сапасын көтеру үшін тәжірибелік-ұйымдастыру шараларын өткізуде. «Арқанкергенге» қатысты айтар болсам, оның орнына жаңа бекет салынады, өйткені ол мемлекеттік шекараны күзету үшін қажет. Мерзімі жайында әлі де айтатын боламыз», – деді Жоламанов.

Генерал-лейтенанттың айтуынша, жаңа бекет «бұрынғы» Арқанкерген орналасқан аумақта салынады.  

Дереккөз: bnews.kz