Қазақстандық және шетелдік қызметкерледің жалақыларындағы айырмашылық 11 есені құрайды

АСТАНА, 28 нау  - Қазақстан жаңалықтары АА. Қазақстандық және шетелдік қызметкерледің жалақыларындағы айырмашылық 11 есені құрайды, деп хабарлады ҚР Еңбек және халықты әлеуметтік қорғау министлігінің ресми өкілі Ернұр Бұрахан. 

«Тексеріс қорытындысына сүйенсек, кейбір компаниялардағы жалақы айырмашылығы 11 есені құрайды. Мәселен, «Экспертиз с.р.л.» Атырау филиалында қазақстандық инженердің жалақысы 170 674 теңге, ал шетелдік әріптесінің жалақысы 1 млн 908 550 теңге. Бұл фактілер негізінде жұмыс берушілер әкімшілік жауапкершілікке тартылады. Батыс Қазақстан облысында да осындай 10 жағдай анықталды. Скважиналық операциялар бөлімінің бірінші деңгейдегі шетелдік инженері 2 млн 675 426 мың теңге жалақы алады. Ал дәл сонда қызмет атқаратын қазақстандық маманның еңбекақысы 375 823 теңге, яғни 7 есеге төмен»,-деді Бұрахан. 

Дереккөз: newskaz.kz