В Атырау
+2 
АСТАНА, 27 нау –Қазақстан жаңалықтары АА. SCAT әуекомпаниясының «Ақтау-Орал» бағытындағы ұшағы әуеге көтерілгеннен кейін Ақтау әуежайына қайта оралып, қонуға мәжбүр болды деп хабарлайды компанияның баспасөз қызметі.
«27 наурызда әуеге көтерілуі кезінде ұшақ құрылғысының тетігі дұрыс жұмыс істемей қалған. Қауіпсіздік нұсқаулығын ескеріп, экипаж ұшу әуежайына қайтып оралу туралы шешім қабылдады. Қону штаттық режимде жүргізілді», -делінген хабарламада.
Баспасөз қызметінің мәліметінше, барлық жолаушылар резервтік әуе кемесімен бағытталған әуежайға жеткізіледі, рейсті тосу кезінде жолаушыларға қонақүй және ыстық ас берілді. Орал қаласына жоспарланған ұшу уақыты– 21 сағат 00 минут.
Дереккөз: newskaz.kz
27 наурыз 2013, 12:37