Атырау, 4 қазан 06:32
 ашықВ Атырау +17
$ 482.86
€ 533.17
₽ 5.08

Украинадағы елшілік Варшаваға ауыстырылды - СІМ

699 просмотра

Премьер-министрдің орынбасары-сыртқы істер министрі Мұхтар Тілеуберді Қазақстанның Украинадағы елшілігі уақытша Польшаның астанасына ауыстырылғанын мәлімдеді, деп хабарлайды Sputnik Қазақстан тілшісі.

Қазіргі кезде қазақстандық дипломаттардың басым бөлігі Варшаваға ауыстырылды.

"Елшілік өз қызметін Варшавадан жүргізіп жатыр. Ал Киевте консулымыз қалды, ол біздің азаматтарымызды қабылдап жүр", - деді Тілеуберді сенаттың жалпы отырысынан кейінгі брифингте.

Оның айтуынша, Украинадағы қазақстандықтарда сұрақ көп. Олар, көбінесе, эвакуация жағынан көмек көрсетуді сұрайды.

Министр қазақстандықтардың нақты санын айта алмады. Себебі қазіргі жағдайда есеп жүргізу өте қиын.

"Мәселен, бұрын есепте 600-800 адам тұрған. Қазір әскери іс-қимылдар жүріп жатқанда көбісі Украинада өздігімен кетіп жатыр. Сондықтан нақты есеп жүргізу қиын. Бірақ өтініштер түсіп жатыр. Консулдың алдын ала мәліметіне сәйкес , 200-дей адам бар", - деп атап көрсетті Тілеуберді.

Оның айтуынша, Қазақстан азаматтарын Польша мен Молдова арқылы эвакуациялауға мүмкіндік бар.

20 қазан 2022, 10:48

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.