1 сәуірден бастап тыйым салынады

Атырау балық шаруашылығын қорғау инспекциясы бөлімі Атырау қаласының барлық әуесқой балықшыларын Жайық өзеніндегі мұз кеткеннен кейін әуесқой балық аулау үшін тыйым салынған күндер (сейсенбі мен сәрсенбі) алынып тасталғаны жөнінде хабардар етеді. 1 сәуірге дейін күн сайын балық аулауға мүмкіндік бар.

Ал 1 сәуірден 15 маусымға дейін ҚР Үкіметінің 2012 жылғы 7 наурыздағы №303 «Балық ресурстарын және басқа да су жануарларын, олардың бөліктері мен тұқымдарын пайдалануға шектеулер мен тыйым салуды енгізу, оларды пайдалану жерлері мен мерзімдерін белгілеу туралы» қаулысының негізінде Атырау қаласы және Атырау облысы бойынша кәсіпшілік емес балық аулау құралдарын қолдана отырып балық аулауға тыйым салынады.

А. Зұлқанова, Атырау балық инспекциясы бөлімінің бас маманы