Атырау, 17 маусым 17:36
Түнде ашық+22, таңертең +30
ҚР Ұлттық банкінің валюта бағамы: $ 384.05  € 432.79  P 5.96

Қару ұстаған арулар

21 наурыз 2013 00:00

15 наурыз күні әйел полицейлер арасында «Қыз сыны» байқауы өтті.

Облыстық ІІД-нің баспасөз хатшысы Гүлнәзира МҰХТАРОВАНЫҢайтуынша, мұндай сайыс 1980 жылдан бері өткізіліп отыр екен.

Жеті турдан тұрған байқауға 8 ару қатысып, өз өнерлерін сынап бақты. Мәселен, ІІД Ақпараттық аналитикалық орталықтың технигі Раушан НҰРҒУАТ дайындаған сірне дәмі тіл үйірсе, ІІД Әкімшілік полиция басқармасының жетекші маманы Анар МАРАЛОВА «Аққу» биін мың бұрала биледі. Ал мамандандырылған Күзет басқармасының инспекторы Лаура БОРАНБАЕВА Макаров тапаншасын жартылай шашып-жинау бойынша шапшаңдығымен көзге түсті.

Сайыс соңында жүлделі 1-ші орынға ІІД Қаржымен қамту басқармасының маманы Айгүл НАУРЫЗҒАЛИ (суретте ортасында) ие болса, 2-ші орын Анар Маралованың (суретте сол жақта) қанжығасына байланып, 3-ші орын қалалық ІІД полиция аға лейтенанты Гауһар ЖЕКСЕНҒАЛИЕВАҒА (суретте оң жақта) бұйырды.

1-орын жеңімпазы небары 19 жаста екен, оның бұл қызметке ауысып келгеніне 1 айға жуықтапты:

- Сол үшін де тапанша құрастыру қиынырақ болды. Ал сайысқа 2 күн ішінде дайындалып үлгердім, - дейді ол.

Гауһар Жексенғалиева, 21 жаста:

- Бала күнімнен ән саламын. Сайыста маған осы өнерім көп көмектесті. Мен өз қызметімді шексіз сүюшілердің қатарынанмын. Қиындықтары да жоқ емес, әрине. Үйде кішкентай балам және атам мен енем бар. Жолдасым да осы саланың маманы. Сондықтан олар мені бір кісідей түсініп, қолдау білдіріп отырады.

Айтолқын ҚҰЛШАРОВА

Суретті түсірген автор

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1252 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4