Атырау, 27 қараша 10:09
 бұлыңғыр боладыВ Атырау +3
$ 465.38
€ 483.58
₽ 7.69

СІМ Ресей-Украина қақтығысына ҰҚШҰ күштерінің қатысуы туралы пікір білдірді

695 просмотра
Сурет: Tengrinews.kz/Әлихан Сариев

Сыртқы істер министрлігінің ресми өкілі Айбек Смадияров Ұжымдық қауіпсіздік шарты ұйымы (ҰҚШҰ) күштерінің Ресей-Украина қақтығыс аймағына қатысуы мәселесі күн тәртібінде тұрмағанын айтты, - деп хабарлайды Tengrinews.kz тілшісі.

"Қазақстан халықаралық құқық пен БҰҰ Жарғысына сәйкес мемлекеттердің аумақтық тұтастығы және егемендік теңдігі қағидаттарын ұстанады. Тұтастай алғанда ҰҚШҰ-ның жауапкершілік аймағы ұйымға мүше мемлекеттердің халықаралық танылған аумақтарымен нақты белгіленген және Ұжымдық қауіпсіздік осы аумақтар шегінде қамтамасыз етіледі. Осылайша, Ресей-Украина қақтығыс аймағына ҰҚШҰ-ның қатысуы мәселесі күн тәртібінде тұрған жоқ", - деді ол.

Сондай-ақ, Смадияров ЛХР, ДХР квазимемлекеттік аумақтарының, Украинаның Запорожье және Херсон облыстарын Ресейге қосу туралы өткен референдумдар бойынша Қазақстанның ұстанымын айтты.

"Біздің ұстанымымыз өзгерген жоқ. Бұл мәселеде Қазақстан халықаралық құқық пен БҰҰ Жарғысына сәйкес мемлекеттердің аумақтық тұтастығы, олардың егемендік теңдігі және бейбіт өмір сүру қағидаттарын ұстанады. Біз Ресей мен Украина арасында саяси диалог орнатуға барынша дайын екенімізді тағы да растаймыз. Бұл ретте біздің еліміз жаһандық деңгейде тұрақтылықты сақтауды аса маңызды міндет деп санайды. Сондықтан біздің ұстанымымыз өзгерген жоқ", - деді СІМ өкілі.
3 қазан, 16:43

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.