Атырау, 18 сәуір 16:07
Кешке бұлыңғыр болады+1, түнде -2
ҚР Ұлттық банкінің валюта бағамы: $ 379.36  € 428.94  P 5.93

Қырғыздар қызу кірісті... тындырмаққа бір істі

17 наурыз 2013 13:08

Кеше ғана Қырғызстан Республикасында мемлекеттік құжаттар толтыруда орыс тілін қолдануға шектеу қойылғандығы туралы жазғанбыз. Енді айырқалпақты ағайындардың ауылынан тағы бір жағымды жаңалық жетті. 

ҚР үкіметінің 5 наурыздағы «Мемлекеттік және муниципальды қыз­меткерлерді мемлекеттік тілге үйрету және іс қағаздарын мемлекеттік тілге аудару туралы» № 114 қаулысына сәйкес үкіметтегі қызметкерлерге тіл үйрету дәрістері басталды. Үкіметтің аппарат жетекшісі Нұрханбек Момыналиевтің сөзіне қарағанда, тіл үйрену мен оқыту шараларына қолданылатын қосымша әдістемелік оқулықтар, сөздіктер жеткілікті. Сарапшылардың пікірінше де оқу құралдары туған тілін білуге ұмтылған немесе мемлекеттік тілдің мәртебесін түсірмеуге тырысқан қызметкерлер үшін жеткілікті. Сондай-ақ оқуға қатысушылар қырғыз қарпімен жабдықталған компьютерлерді, электронды аудармаларды, СD оқулықтарын пайдалана алады. 
Қырғыз тілін білуге бел буған қызметкерлер үшін оқу үрдісі үш кезеңнен тұрады. Бастауыш, жалғастырушы және тереңдетіп оқыту негізінде білім алғандар іс қағаздарының нағыз білгірі болып шығатындығына ешкімнің күмәні жоқ. Осылайша аталған қаулы мемлекеттік тілді меңгеретіндерге толық жағдай жасап отыр. Үкімет аппаратының жетекшісі барлық кедергілерге, қарсы айтылар дауларға, пікірталас тудыратын мәселелерге қарамастан, қырғыз елі туған тілінің гүлденуі үшін барлық мүмкіндік жасалатындығын ескертті. Қазір барлық құжаттар ресми тілде жасалып, содан соң қырғыз тіліне аударылып жүрсе, енді елдегі жағдай мүлде басқаша болғалы тұр.

Дереккөз: aikyn.kz
 

Нашли ошибку? Выделите её мышью и нажмите Ctrl + Enter.
 

848 рет қаралдыБасты бет Поделиться:

Подпишитесь и узнавайте о новостях первыми


Басты бет

1 2 3 4 5