Атырау, 26 маусым 11:21
Күндіз ашық+31, кешке +27
ҚР Ұлттық банкінің валюта бағамы: $ 378.83  € 430.99  P 6.04

Болжам: өткен жылғыдан 62 см жоғары болады

15 наурыз 2013 18:27

Жайық-Каспий облысаралық бассейндік балық шаруашылығы инспекциясының бастығы Бисен ҚУАНОВТЫҢ айтуынша, осы көктемде Жайық өзенінде қатты су тасқыны болмайды. Алайда тасқынның үдемелі кезеңінде су деңгейі өткен жылғыға қарағанда жоғары болмақ.

Ресейлік су жолын бақылаушылар Орынбор облысындағы Жайық өзенінде орналасқан Ириклинск су қоймасына еріген қар суы  көп құйылады деп күтуде. Өткен жазда су ернеуінен асып өзен арнасына секундына 15 текше метр жылдамдықпен құйылған. Күзде бұл көлем 30 текшеге дейін, ақпанда – 60 текшеге дейін, ал 1 наурыздан бастап екі есеге дейін көбейген болатын. Бұл биылғы көктемде құйылатын 1,1 млрд текше метр таза суға су қоймасынан орын босату үшін қажет.

Салыстыру үшін: Ақтөбе облысындағы Мұғалжар тауынан бастау алатын Жайықтың Елек пен Ор тармақтары негізгі су арнасына суды орташа жылдық деңгейден аз құяды.

Су инспекциясының болжамы бойынша, Атырауда тасқын күшейген кезде Жайық өзеніндегі су деңгейі 490 см (өткен жылы – 428 см) белгіге жетеді. Тасыған судың көпжылдық орташа деңгейі 455 см-ді құрайды. Ал 1994 жылы қатты су тасыған кезде өзендегі судың биіктігі 601 см-ге жеткен болатын.

Облыстың шағын Сағыз, Ойыл және Жем өзендерінде су таяз болады деп күтілуде. Еріген қар суларының көлемі көпжылдық орташа деңгейден екі есе төмен болмақ.

Мұрат СҰЛТАНҒАЛИЕВ

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1292 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4 5