«Дөңгелек үстел» қолайлы

12 наурызда Астанада, Алматыда, Оралда Қазақстанның Коммунистік халық партиясының (ҚКХП) бастамасымен коммуналдық қызмет тарифтерінің және азық-түлік бағаларының көтерілуіне қарсылық белгісі ретінде митингтер өтті.

Қалалық әкімдік Атырауда митингтер өткізуге рұқсат бермеді, сондықтан Коммунистік партияның жергілікті филиалы Ғалымдар үйіндегі өз кеңсесінде «дөңгелек үстел» өткізумен шектелді. Оған «Әділет», «Ауыл» партияларының және Патриоттар партиясының өкілдері шақырылды.

«Бәлкім, шетелдік компаниялардың қызметкерлері мен мұнайшылар коммуналдық қызметтерді төлей алатын шығар, бірақ көп балалы отбасылар, жалғызбасты аналар не істемек? «Нұр Отан» төрағасының орынбасары Бауыржан Байбек тарифті көтеру арқылы халықты үнемдеуге үйретеміз дегенді айтады. Табиғи монополияларды реттеу агенттігінің департаментіне халықтың түрлі тобы үшін дифференциалды тарифтерді бекіту керек деп есептейміз», - дейді ҚКХП филиалының екінші хатшысы Жұмажан ҮМБЕТЖАНОВ.

«Әділет» партиясының өкілдері Атыраудағы тарифтердің елдің басқа өңірлерімен салыстырғанда жоғары еместігін айтып, қарсылық білдірді. ЖЭО ілеспе газбен жұмыс істейді, ал бұл газ кеніштерде көбінесе алауларда өртеледі. Ал егер ол толығымен пайдаланылатын болса, коммуналдық қызметтердің тарифтері төмен болар еді. Партия өкілдері облыс әкіміне арнаған хатқа өз ұсыныстарын білдірді.

Мұрат СҰЛТАНҒАЛИЕВ