Биыл газ бен жарық қайда жүргізіледі?

Биыл қалалық бюджеттен қала мен қала маңындағы ауылдардың инженерлік-коммуникациялық инфрақұрылымдарын салуға 2,5 млрд теңге бөлінді.

Қалалық ТКШ құрылыс бөлімінің бастығы Серік ЖҰМАШБАЕВТЫҢ айтуынша, бұл қаржыға 17 елді мекен мен ықшамаудандарда: Бірлік, Атырау, Дамбы, Томарлы-2, Талғайраң, Тасқала-2 және 3 селоларында, Өркен-2, Сарықамыс-2, Ақжар, Водников-2, Еркінқала, Ақсай, Жаңаталап, Жұлдыз-3, Жұлдыз-2 ықшамаудандары газдендірілмек. Водников-2, Ракуш-2, Жұмыскер-1 селоларында электрмен қамту жұмыстары басталады. Бұдан басқа, Ақжар поселкесінде су құбыры желісін қайта жарақтау жұмысы жүргізіледі. Мұнымен қатар, Водников-3, Атырау ы/а, Көкарна поселкесінде, Нұрсая-3 ы/а, Қайнар (Тасқала-4) поселкесінде газдендіру және электрмен, сумен қамту желілерін салуға жобалау-сметалық құжаттама жасау басталмақ. Бұған 100 млн теңге бөлінді.

Сәуле ТАСБОЛАТОВА