11 мектеп салынады

Атырау облысында 11 апатты мектеп күреліп, жаңа ғимараттар салынатын болады.  

4 мектепті салуды республикалық бюджет өз қолына алып, 5 мектеп НКОК пен КТК компаниясының көмегімен салынбақ. 2 мектепті жергілікті бюджеттің ақшасына салу жоспарланып отыр. Жұмыстар үстіміздегі жылы басталады. Бұдан басқа, қосымша ғимараттары күрделі жөндеуді қажет ететін 8 мектеп анықталды.

Қазіргі уақытта  3 мектептің: Құлсары қаласында 624 орындық, Индер поселкесінде 300 орындық және Доссор поселкесінде 300 орындық мектептердің құрылысы жүріп жатыр. КТК-ның демеуқаржысына Махамбет ауданының Ақтоғай селосында 120 орындық мектеп салынуда, сонымен қатар Индер ауданының Құрылыс ауылында 100 орындық мектептің құрылысын бастау жоспарланып отыр.

Зульфия ИСКАЛИЕВА