БҰҰ-ның бітімгерлері босатылды

Сирия жауынгерлері тұтқынға алған БҰҰ-ның 21 бітімгері босатылды. Олар қазір Иордания аумағына өтті.

Кепілде болған бітімгерлер Сирияның оппозиция күштерінен жәбір көргендерін айтады. Естеріңізге салайық, осы аптада Сирия жауынгерлері Израильмен шекарадағы бақылау бекеттерінің бірінде БҰҰ-ның бітімгерлерін тұтқынға алған. Олар Аль-Джамла елдімекенінен Башар Асад әскері босатылмайынша, БҰҰ-ның жасақтары жіберілмейтінін айтып, талап қойған. Жалпы халықаралық күштер 1974 жылдан бері Голан шыңдарына орналастырылған.

Дереккөз: 24 KZ