Жанар-жағармайдың бөлшек саудадағы шекті бағасы белгіленді: Аи-92 - 110 теңге

940 рет қаралды
АСТАНА. 7 наурыз ҚазАқпарат - Бағаларына мемлекеттік реттеу белгіленген бөлшек саудада өткізілетін мұнай өнімдерінің шекті бағалары белгіленді,  деп хабарлады ҚР Мұнай және газ министрлігінің баспасөз қызметі.

«Қазақстан Республикасы Табиғи монополияларды реттеу агенттігі төрағасының 2013 жылғы 6 наурыздағы № 76-НҚ бұйрығына сәйкес, бағаларына мемлекеттік реттеу белгіленген бөлшек саудада өткізілетін мұнай өнімдеріне шекті бағалар ҚҚС есебімен мына мөлшерде белгіленді: дизель отыны - 1 литр үшін 102 теңге; Аи - 80 - 1 литр үшін 89 теңге;Аи - 92 - 1 литр үшін 110 теңге», - делінген хабарламада.

Аталған бұйрық Қазақстан Республикасы мұнай және газ және экономика және бюджеттік жоспарлау министрліктерімен келісілді. Бұйрық қол қойылған күнінен бастап күшіне енеді.

Дереккөз: inform.kz

7 наурыз 2013, 17:25

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.