Қайда тептің, асаба?!

«Атырау» дене шынықтыру-сауықтыру кешенінде жергілікті музыканттар, операторлар, фотографтар, теледидар қызметкерлері мен әртістер арасында мини-футболдан турнир өтті. Асабалар да қалыс қалмады.

Турнир алдындағы жаттығулар аз болды – шығармашыл адамдар шабытқа ғана сүйенді. Турнирді көңілді тапқыр Махамбет ҚАДЫРҒАЛИЕВ пен кәсіби асаба Қуандық ДОСБОЛАТҰЛЫ ұйымдастырды.

«Мұнайшы» командасы жеңімпаз атанса, 2-орын «Құрманғазының», 3-орын «Арсеннің» қанжығасында кетті. Үздік қақпашы болып Биболат РАПИХОВ, үздік ойыншы – Біржан ҚАБЫЛХАМИТ, үздік сұрмерген ретінде Айбек БАЯЗИТОВ танылды.

Зульфия ИСКАЛИЕВА

Суретті түсірген Қанат ЕЛЕУОВ