Қаскелеңнен келген жүлделер

Рамазан Тасбаев пен Эльдар Омаров жаттығу үстінде. Алматы облысының Қаскелен қаласында балалар, ер балалар және жасөспірімдер арасында таэквондодан Қарасай батыр жүлдесіне арналған республикалық турнир өтті.

1-БЖСМ (Привокзальный) командасы сәтті өнер көрсетті, қоржындарында 10 медаль бар. Эльдар Омаров, Рамазан Тасбаев және Нұрсұлтан Бақтығали, сәйкесінше, 7-9, 10-11 және 12-13 жас аралығында турнир жеңімпаздары атанды. «Күміс» иеленгендер: Бексұлтан Латиф, Арай Оразақова (екеуі 14-17 жас тобында). Фархат Молдабаев (7-9 жас), Айсан Моншағұлов, Айкөркем Сатыбалдиева, Алма Матхат (10-11 жас), Жасмин Дулатова және Әділжан Сарсенов (12-13 жас) - «қола» жүлдегерлер.

Алда 7-9 және 10-11 жасар балалар аралығында Шымкентте және 12-13 жасар ер балалар аралығында Астана қаласында Қазақстан чемпионаты өтеді. Бапкерлер өз шәкірттерінің осы додаларда да жақсы өнер көрсететіндеріне сенімді.

Мұрат СҰЛТАНҒАЛИЕВ

Суретті түсірген Қанат ЕЛЕУОВ