Атырау, 18 маусым 21:35
Түнде ашық+22, таңертең +32
ҚР Ұлттық банкінің валюта бағамы: $ 383.43  € 429.83  P 5.96

Көршілер сыйлаған гүл шоғы

7 наурыз 2013 00:00

Өткен аптада Бейбітшілік пен келісім жол картасының аясында Махамбет драма театрында Орал облыстық шығармашылық ұжымының концерті өтті.

2012 жылы бұл жоба Шығыс Қазақстан облысынан бастау алып, Павлодар, Қарағанды, Ақмола, Солтүстік Қазақстан, Қостанай облыстарында өткізілген болатын. Ақпан айының 23 жұлдызында эстафетаны Орал облысына тапсырған еді. Ендігі кезек Атырауда екен. Яғни, оралдық өнерпаздар эстафетаны Атыраулық өнер қауымына табыстады.

Көрерменнің көптігінен зал ішінде ине шаншар орын болмады. Дәстүрлі ән, би, күймен қоса әлем халықтарының өнері де паш етілді сахна төрінде.

Ең қызығы, Березов ауылының 10-сынып оқушысы Надежда САРВИНАНЫҢ «Туған жер» әнін орындау шеберлігіне көпшілік көрермен таңғалып жатты. Бұдан соң сахнаға домбыра ұстап шыққан 9-сынып оқушылары – Виктория ПАРХОМЕНКО, Марина КИЧАТОВА, Елена ПЛАДШИКОВАЛАРДЫҢ Құрманғазының күйі «Балбырауынды» күмбірлете шертуі көрерменді тіптен қуантса керек. Себебі олар ұзағынан қол соғумен болды. Республикалық бишілер байқауының жеңімпазы «Назерке» халық биі ансамблінің орындауында «Монтолио» биі мен «Дарьюша» халықтық би ансамблінің орыс биі мен бірнеше ұлттың биін мың бұрала билеулері де ерекше талғам сыйлады көрерменге.

Еврей этно-мәдени бірлестігі орталығының әншісі Максим ЧАЙКОВСКИЙ еврей халық әнін, Айжан ДӘУЛЕТҚАЛИЕВАНЫҢ қытай әнін орындауы да ерекше әсер қалдырды.

Айтолқын ҚҰЛШАРОВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

865 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4