Атырау, 29 қараша 22:22
 ашық В Атырау -2
$ 423.87
€ 505.25
₽ 5.59

Қарағанды облысы денсаулық сақтау басқармасының бастығына қатысты бюджеттік қаражатты жымқыру бойынша қылмыстық іс қозғалды

1 381 рет қаралды
Қарағанды облысы денсаулық сақтау басқармасының бастығы Төлеген Сәдуақасовқа қатысты бюджеттік қаражатты жымқыру бойынша қылмыстық іс қозғалды. 

Бұл туралы облыстық қаржы полициясы департаментінің баспасөз хатшысы Гүлжан Сүлейменова хабарлады.

«Ағымдағы жылдың 4 наурызында Қарағанды облысы бойынша қаржы полициясы департаменті Қарағанды облысы денсаулық сақтау басқармасының бастығы Т. Сәдуақасовқа қатысты ҚР ҚК-нің 176 бабы, 3 бөлімі, «г» тармағы бойынша қылмыстық іс қозғады. Ол инсулин - дәрілік құралын сатып алу үшін республикалық бюджеттен бөлінген 19,5 млн. теңгені жымқыруда күдікті», - деді Г. Сүлейменова.

Ведомствоның мәліметтері бойынша, қазіргі уақытта Т. Сәдуақасовтан ешқайда кетпеу жайлы қолхат алынды. Қылмыстық іс тергелуде.

Қаржы полициясы тергеудің мүддесіне орай оқиғаның мән-жайын айтудан бас тартып отыр.

Дереккөз: ҚазАқпарат

6 наурыз 2013, 17:59

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.