Атырау, 1 желтоқсан 04:55
 ашық В Атырау -7
$ 425.05
€ 509.29
₽ 5.58

Уго Чавес өмірден озды, Венесуэлада жеті күндік қаралы күн жарияланды

1 152 рет қаралды

Венесуэланың вице-президенті Николас Мадуро тікелей эфир арқылы халыққа жасаған үндеуінде Венесуэла Президенті Уго Чавестің қайтыс болғанын жария етті. Елдегі екінші адам шұғыл үкімет кеңесін шақырды, деп хабарлайды РБК.

Н.Мадуро мемлекет басшысын айықпас дертке шалдықтырған Венесуэла елінің жаулары екенін атап өтті. Сонымен қатар, вице-президент бұған АҚШ-ты айыптап, осы елдің екі дипломатын Венесуэладан шығаруға бұйрық берді.

Таяуда БАҚ Уго Чавестің хәл үстінде жатқанын жарыса жазған еді. Саясаткер онкологиялық сырқаттан бөлек тыныс жолдары ауруынан зардап шекті, оған инфекцияның таралуы себеп болған. Венесуэла ақпарат министрі У.Чавестің өлімі туралы хабарланғанға дейін Президенттің жағдайы «өте ауыр» екенін мәлімдеді.

Сонымен бірге, оңтүстікамерикалық мемлекеттің көшбасшысы өмірден қашан озғаны әлі белгісіз күйінде қалып отыр.

Уго Чавестің ауыр сырқат екені 2011 жылдың 30 маусымында белгілі болды. Содан бері саясаткер бірнеше рет Кубада химия терапиядан өткен болатын.

Венесуэла билігі 7 күндік қаралы күн жариялады. Президентті жерлеу рәсімі жұма, 8 наурыз күні өтеді.

Дереккөз: bnews.kz

6 наурыз 2013, 09:15

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.