Атырау, 16 шілде 02:58
Таңертең ашық+28, күндіз +31
ҚР Ұлттық банкінің валюта бағамы: $ 383.43  € 432.47  P 6.12

Африкандық құштарлық

6 наурыз 2013 09:12

Наурыздың 4-інен 5-іне қараған түні Атырауда шетелдік азаматша, Габон Республикасының 27 жастағы тумасы отбасылық ұрыс-керіс барысында күйеуіне – шетелдік компаниялардың бірінде инженер-технолог боп жұмыс істейтін Ұлыбританияның 53 жастағы азаматына пышақ жарақатын салған.

Ерлі-зайыптылардың керісі қала орталығындағы мейманханалардың бірінде орын алған. Жараланған күйеуі облыстық аурухананың жансақтау бөліміне жатқызылды.

Атырау облыстық ІІД баспасөз қызметінің жетекшісі Гүлнәзира МҰХТАРОВА хабарлағандай, бұл әйел Атырауға үстіміздегі жылдың 1 наурызында келген. Қазіргі уақытта ол басқа жаққа шықпау туралы қолхатпен босатылған.

Куәгерлердің айтуынша, қолына пышақ ұстаған мас әйелді түнде «Атырау» сауда ойын-сауық орталығының жанынан көрген. Күзетшілер оны ұстап, полицейлерге тапсырған екен.

Облыстық ауруханадағылар шетелдіктің өздеріне түнде жеткізілгенін, жарақаттың аса терең еместігін, оған ота жасалып, хирургия бөлімшесіне ауыстырылғанын растады. Қазір оның жағдайы тұрақталған.

Сәуле ТАСБОЛАТОВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1078 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4